नेपालगन्ज, माघ २४ नेपाली कांग्रेस लुम्बिनी प्रदेश सभापति अमर सिंह पुनले जेन्जी युवाको सपना पुरा गर्ने पार्टी नेपाली कांगे्रस भएको बताउनु भएको छ ।फागनु २१ गते हुन लागेको प्रतिनिधि सभा निर्वाचनमा बाँके क्षेत्र नम्बर ३ बाट उम्मेदवारी दिनु भएका पुनले जेन्जी युवाको वास्तविक मागलाई कांग्रेसले पुरा गर्ने बताउनु भयो ।
लुम्बिनी प्रदेश सभापति पुनले जेन्जी युवाले देखेको सपनालाई साकार पार्ने पार्टी नेपाली कांग्रेस भएको बताउनु भयो ।
उहाँले भन्नु भयो, युवा साथीहरुलाई म आग्रह गर्छु । समग्र पार्टी हेर्नुहोस । तपाईहरुले उठाएका मुद्दाको फाइदा अरुले नै लिन खोजिरहेका छन् । जसले युवाहरुको सपना नै देखेको छैनन् । देश निर्माणको योजना नै छैन, त्यो पार्टीले जेन्जी आन्दोलनको फाइदा लिन खोजेको छ । त्यसकारण म युवा जेन्जी भाईहरुलाई आग्रह गर्न चाहन्छु । गलत ठाउँमा गलत चिज गयो भने त्यसको नतिजा पनि गलत नै हुन्छ ।’
सबै जाती, धर्म, वर्ग र समुदायलाई समेटन सक्ने पार्टी कांग्रेस भएको उहाँले बताउनु भयो । पुनले भन्नु भयो, सबै धर्म, जाती र वर्गलाई कांग्रेसले नेता बनाएको छ । यो देशको बलियो परिस्थिती निर्माण गर्नको लागि समग्र जाती र धर्मलाई समेटनको लागि पनि कांग्रेस चाहिन्छ ।’
बाँके क्षेत्र नम्बर ३ का युवाहरुलाई आसन्न प्रतिनिधि सभा निर्वाचनमा कांग्रेसलाई विजयी गराउन सहयोग गर्न पुनले अपिल गर्नु भएको छ । उहाँले भन्नु भयो,कांग्रेस समाजको वास्तविक समस्यालाई सम्बोधन गर्न सक्ने पार्टी हो । त्यसैले आगामी निर्वाचनमा कांग्रेसलाई जित दिलाउन आवश्यक रहेको छ ।’
जेन्जी युवाले देशमा सुशासन, अनियमितता र समृद्धिको लागि गरेको आन्दोलनको मर्मलाई बुझेर नेपाली कांग्रेस अगाडी बढिरहेको पुनले बताउनु भयो । नयाँ नीति र युवा नेतृत्वमा रहेको कांग्रेसले देशको समृद्धिको लागि काम गर्न सक्ने उहाँको भनाई रहेको थियो ।
आसन्न निर्वाचनमा कांग्रेसको तर्फबाट उम्मेवार बन्नु भएका पुनले जेन्जीसँग खुला संवाद गरेर कांग्रेसले देश विकासको लागि नयाँ कार्यदिशा बनाएर अगाडी बढने प्रतिवद्धता जनाउनु भएको छ ।
बाँके, माघ २४ नेपाली कांग्रेस क्षेत्र नं २ का प्रतिनिधि सभा सदस्य पदका उम्मेदवार सुधांशु कोइरालाले डुडुवा गाउँपालिका वडा नम्बर ५ मा स्थानीय जनतासँग भेटघाट तथा छलफल कार्यक्रम सम्पन्न गरेका छन्।
कार्यक्रममा उम्मेदवार कोइरालाले जनताको समस्या, आवश्यकता र अपेक्षाबारे प्रत्यक्ष जानकारी लिँदै नेपाली कांग्रेसको नीति तथा कार्यक्रमबारे जानकारी गराएका थिए। उनले शिक्षा, स्वास्थ्य, कृषि, रोजगारी र पूर्वाधार विकासलाई प्राथमिकतामा राखेर काम गर्ने प्रतिबद्धता व्यक्त गरे।
भेटघाट कार्यक्रममा स्थानीय पार्टी कार्यकर्ता, समाजसेवी तथा सर्वसाधारण नागरिकको उल्लेखनीय सहभागिता रहेको थियो। स्थानीयले आफ्नो क्षेत्रका विकासका लागि ठोस योजना र प्रभावकारी कार्यान्वयनको माग गरेका थिए
बाँके,माघ २४ बाँकेको कोहलपुर नगरपालिका वडा नम्बर ८ मा नेपाली कांग्रेसको प्रचार प्रसार सचिवालय उद्धघाटन बाँके क्षेत्र नम्बर १ का नेपाली कांग्रेसका उम्मेदवार नारायण प्रसाद गौडेल को निर्वाचन प्रचार प्रसार समिति सचिवालय सन्चालनमा ल्याइएको छ।
वडा नं. ८ मा आज सम्पन्न सम्पर्क कार्यालय उद्घाटन कार्यक्रममा देखिएको उत्साहजनक सहभागिताले चुनावी माहोल झन् तातेको छ ।
