काठमाडौँ, असोज १२ पूर्वप्रधानन्यायाधीश चोलेन्द्र शमशेर राणाको अवस्थाबारे बुझ्न पुगेको राष्ट्रिय मानव अधिकार आयोगको टोलीलाई कार्यालय प्रवेशमा रोकिएको घटनालाई लिएर आयोगले उपत्यका अपराध अनुसन्धान कार्यालयका प्रमुख एसएसपी सन्तोष खड्कालाई सोधपुछका लागि बोलाएको छ।
आयोगले खड्कालाई मंगलबार बिहान ११ः३० बजे उपस्थित हुन पत्राचार गरेको हो। आयोगका प्रवक्ता टिकाराम पोखरेलका अनुसार आयोगको टोलीलाई कार्यालयमा प्रवेश गर्न नदिएको घटनाबारे खड्कासँग जानकारी लिइनेछ।
आइतबार आयोगका सदस्य मनोज दुवाडी नेतृत्वको टोली राणालाई भेट्न टेकुस्थित कार्यालय पुगेको थियो। टोली करिब एक घण्टा गेटमै कुर्दा पनि प्रवेश गर्न नदिएपछि फर्किएको थियो।
घटनापछि आयोगले विज्ञप्ति जारी गर्दै आफूलाई संविधान र कानुनले दिएको अधिकारको सम्मान गर्न सम्बन्धित निकायलाई आग्रह गरेको थियो। आयोगले बन्दीको अवस्था बुझ्न पाउने अधिकारमा अवरोध भएको भन्दै घटनालाई गम्भीरतापूर्वक लिएको जनाएको छ।
मनाङ। जिल्ला मनाङ नार्पाभूमि गाउँपालिका-५ स्थित हिम्लुङ बेस क्याम्पमा हिमपहिरोमा परी सम्पर्कविहीन भएका १२ जनामध्ये थप २ जनाको शव फेला परेको छ । यससँगै हालसम्म ४ जनाको शव उद्धार गरिएको छ ।
मिति २०८३/०५/३० गते विभिन्न ट्रेकिङ एजेन्सीमार्फत हिम्लुङ बेस क्याम्प स्थापना गर्न गएका २२ जना नेपाली नागरिकमध्ये १० जना मिति २०८३/०६/११ गते १७:३० बजे सकुशल फु-गाउँमा आइ बसेका थिए । बाँकी १२ जना सम्पर्कविहीन भएका थिए ।
सम्पर्कविहीनमध्ये यसअघि २ जनाको शव उद्धार गरी प्रदेश अस्पताल चामे, मनाङमा ल्याइएकोमा मिति २०८३/०६/१२ गते ०८:१५ बजे कैलाश हेलिकप्टरमार्फत काठमाडौंस्थित टिचिङ अस्पताल पठाइएको छ ।
टिचिङ अस्पताल, काठमाडौं पठाइएका शवको विवरणः
१. जिल्ला संखुवासभा भोटखोला गाउँपालिका-३ का अं. ५२ वर्षीय छेबि भोटे ।
२. जिल्ला संखुवासभा भोटखोला गाउँपालिका-२ का अं. ३१ वर्षीय पासाङ भोटे ।
यसैबीच, मिति २०८३/०६/१२ गते अं. ११:०० बजे कैलाश हेलिकप्टरमार्फत हिम्लुङ बेस क्याम्पबाट थप २ जनाको शव उद्धार गरी प्रदेश अस्पताल चामे, मनाङमा ल्याई राखिएको छ । उक्त दुवै शवको नामथर तथा वतन हालसम्म खुल्न सकेको छैन ।
हिम्लुङ बेस क्याम्प जिल्ला प्रहरी कार्यालय मनाङबाट पैदल करिब ३ दिन उत्तरतर्फ पर्ने स्थानमा रहेको छ । बाँकी सम्पर्कविहीन व्यक्तिहरूको खोजी तथा उद्धार कार्य जारी रहेको छ ।
