प्रतिनिधिसभाको उपसभामुखमा उम्मेदवारी दिएपछि श्रम संस्कृति पार्टीकी सांसद रुबीकुमारी ठाकुरले आफू जिम्मेवारी सम्हाल्न तयार रहेको बताएकी छन् । उम्मेदवारीपछि सञ्चारकर्मीसँग कुरा गर्दै उनले सधैँ देशलाई साथ दिने र देशको सेवा गर्ने बताइन।
सञ्चारकर्मीले यति सानो उमेरमा पदीय जिम्मेवारी सम्हाल्न सक्नुहुन्छ भन्दै सोधेको प्रश्नमा उनले भनिन्, ‘म सक्छु। जिम्मेवारी सम्हाल्न सक्षम छु।’ ठाकुर २५ वर्षकी छन् ।
नीति नियमका कुरा, कानुन बनाउने कुरा, संवैधानिक पदको विषय जोड्दै प्रतिप्रश्न गर्दा उनले भनिन्, ‘म देशलाई सबैथोक गर्छु, सधैँ साथ दिन्छु।’
