कांग्रेस केन्द्रीय कार्यसमिति बैठक आज

पार्टीका कार्यवाहक मुख्यसचिव कृष्णप्रसाद दुलाल का अनुसार बैठकमा सभापति गगनकुमार थापा ले दिएको राजीनामाबारे मुख्य रूपमा छलफल हुनेछ। साथै आगामी नियमित महाधिवेशनको तयारी, हालै सम्पन्न निर्वाचनको समीक्षा तथा पार्टीको भावी रणनीतिका विषयमा पनि विस्तृत छलफल हुने कार्यक्रम रहेको छ।

कांग्रेसले बैठकमा सहभागी हुनका लागि पार्टीका पदाधिकारी, केन्द्रीय सदस्य तथा सातै प्रदेशका सभापतिलाई अनिवार्य उपस्थितिका लागि अनुरोध गरेको छ। पछिल्लो राजनीतिक परिवेश र निर्वाचन परिणामपछि पार्टीभित्र उत्पन्न परिस्थितिलाई मध्यनजर गर्दै बैठकलाई महत्वपूर्ण रूपमा हेरिएको छ।

बैठकबाट पार्टीको आगामी दिशा, संगठन सुदृढीकरण तथा नेतृत्वसम्बन्धी निर्णयहरू आउने अपेक्षा गरिएको छ।