काठमाडौं । बाढी प्रभावित क्षेत्रमा अवरुद्ध सञ्चार सेवा तत्काल सञ्चालनमा ल्याउन सरकारले सेवा प्रदायकलाई सक्रिय बनाएको छ। प्रभावित जिल्लामा फोन सेवा निःशुल्क भइसकेको र डाटा सेवा पनि निःशुल्क उपलब्ध गराउने प्रक्रिया अघि बढाइएको सञ्चारमन्त्री विक्रम तिमल्सिनाले बताएका छन्।
सामाजिक सञ्जालमार्फत उनले बाढीका कारण सञ्चार सम्पर्कविहीन भएका क्षेत्रमा सेवा छिटो सञ्चालन गर्न पहल भइरहेको जानकारी दिएका हुन्। प्रभावित क्षेत्रमा सञ्चार सम्पर्क सहज बनाउन सम्बन्धित निकाय र सेवा प्रदायकबीच आवश्यक समन्वय गरी काम गर्न निर्देशन दिइएको उनले बताए। विपद्का बेला उद्धार, राहत तथा सूचनाको आदानप्रदान सहज बनाउन सञ्चार सेवा नियमित गर्न सरकारले प्राथमिकता दिएको छ।
