नेपालगन्ज, जेठ ५ दार्चुला घर भई हाल महाकाली नगरपालिका–५ गल्फै बस्दै आएका प्रहरी सहायक निरीक्षक (प्रसनि) कृत सिंह बुढाथोकीको उपचारका क्रममा निधन भएको छ । लुम्बिनी प्रदेश प्रहरी अस्पताल नेपालगन्जमा उनको उपचारको क्रममा मृत्यु भएको हो ।
बुढाथोकीले २०५७ वैशाख १ गते प्रहरी सेवामा भर्ना भएका थिए । जिल्ला प्रहरी कार्यालय बाजुरामा दरबन्दी भई हाल जिल्ला प्रहरी कार्यालय दार्चुलामा कार्यरत ४९ वर्षीय बुढाथोकी कलेजोसम्बन्धी समस्याबाट पीडित थिए । उनी उपचारका लागि वैशाख २५ गते प्रदेश प्रहरी अस्पताल धनगढी कैलाली पुगेका थिए । सामान्य उपचारपछि थप उपचारका लागि उनलाई लुम्बिनी प्रदेश प्रहरी अस्पताल नेपालगन्ज बाँकेमा भर्ना गरिएको थियो ।
