नेपालगञ्ज । बाँकेको खजुरास्थित सुशील कोइराला प्रखर क्यान्सर अस्पताल विकास समितिको अध्यक्षमा भीमकान्त लामिछाने नियुक्त भएका छन् । स्वास्थ्य तथा खाद्य स्वच्छता मन्त्रालयको निर्णय अनुसार लामिछानेलाई अस्पताल विकास समितिको अध्यक्षमा नियुक्त गरिएको हो । समितिको सदस्यमा मधु न्यौपाने र सञ्जय पाण्डे नियुक्त भएका छन् ।
नवनियुक्त अध्यक्ष तथा सदस्यहरूले शुक्रबार स्वास्थ्य तथा खाद्य स्वच्छता मन्त्री निशा मेहतासमक्ष पद तथा गोपनीयताको शपथ ग्रहण गरेका छन् ।अस्पताल विकास समितिको नयाँ नेतृत्वसँगै पश्चिम नेपालकै प्रमुख क्यान्सर उपचार केन्द्रका रूपमा विकास भइरहेको अस्पतालको सेवा व्यवस्थापन, पूर्वाधार विस्तार र जनशक्ति व्यवस्थापनमा थप पहल हुने अपेक्षा गरिएको छ ।
