काठमाडौँ। नेपाली कांग्रेसको सभापति पदमा उम्मेदवारी दिएका किशोरसिंह राठौरले उम्मेदवारी फिर्ता लिएर गगन थापालाई समर्थन गरेका छन्। राठौरको उम्मेदवारी फिर्तासँगै कांग्रेस सभापतिमा अब गगन थापा र श्यामकृष्ण खड्गीबीच प्रतिस्पर्धा हुने भएको छ।
राठौरले बुधबार पत्रकार सम्मेलनमार्फत थापालाई समर्थन गर्ने घोषणा गरेका हुन्। त्यसलगत्तै उनी निर्वाचन अधिकृतको कार्यालयमा पुगेर सभापति पदको उम्मेदवारी औपचारिक रूपमा फिर्ता लिएका थिए।
पार्टी संकटमा रहेका बेला मिलेर अघि बढ्नुपर्ने आवश्यकता रहेको भन्दै राठौरले थापालाई समर्थन गरेको बताएका छन्।
नेपाली कांग्रेसको नयाँ नेतृत्व चयनका लागि बिहीबार मतदान हुँदैछ।
